Ég heiti Hólmgrímur Helgason og er fæddur á Húsavík 30.desember 1966. Ég er næst yngstur af sjö systkinum sem eru: Inga Rósa, Palli, Svanhvít, Elfa, Soffía, ÉG og svo Helga Dóra litla.
Foreldrar mínir eru: Helgi Sigurður Pálsson (látinn) og Halldóra Hólmgrímsdóttir, búsett á Húsavík.
Ég hef fengist við mörg störf um ævina, þó lengst af við sjómennsku, m.a. um áratuga skeið hjá Langanesi h/f á Húsavík.
Árið 1999 ákváðum ég og "konan" mín, Sigurrós Tryggvadóttir að nú væri tími til kominn að breyta til. Íbúðin okkar á Húsavík var sett í leigu og við fluttum til Danmerkur, nánar tiltekið til S¢nderborgar á Suður Jótlandi, þar sem ég skráði mig í undirbúningsnám fyrir tæknifræði. Þetta nám er nokkurs konar stúdentspróf, tekið á einu ári og er góður undirbúiningur fyrir áframhaldandi nám. Ætlunin var svo að fara í eitthvað nám varðandi tölvur og endaði ég á því að velja Datamatiker sem útleggst sem Tölvu- / kerfisfræðingur. Ég útskrifaðist svo frá Handelsskólanum í S¢nderborg í lok nóvember 2002.