Forsíða

Mikið vatnsveður í Danmörku

Mikið vatnsveður var á stærstum hluta Sjálands í Danmörku í dag en að sögn lögreglu og björgunarþjónustu landsins hlaust ekki alvarlegt tjón af. Dæla þurfti vatni úr á annað hundrað kjöllurum húsa í Kaupmannahöfn og víðar á Sjálandi og einnig á Lálandi og Falstri. Þá flæddi sumstaðar yfir vegi.

Meira

Mannræningjar sleppa palestínskum leyniþjónustumanni

Herskáir Palestínumenn hafa sleppt palestínska leyniþjónustumanninum Jihad Abed úr haldi en honum var rænt í Gasaborg á fimmtudag og í kjölfar þess rændu ættingjar hans tveimur starfsmönnum alþjóðastofnana til að leggja áherslu á kröfu sína um að honum yrði sleppt. Mannræningjarnir, sem áður höfðu sakað Abed um spillingu, sögðust hafa sleppt Abed þar sem yfirheyrslum yfir honum hefði verið lokið.

Hussain sagður líklegur til að berjast gegn framsali

Skipaður lögmaður Osman Hussains, sem talinn er hafa verið einn tilræðismannanna í misheppnuðu hryðjuverkaárásunum í Lundúnum þann 21. júlí, gaf til kynna í dag að skjólstæðingur sinn myndi berjast gegn því að verða framseldur frá Ítalíu til Bretlands en framsalsferlið hófst á Ítalíu í dag með yfirheyrslum yfir Hussain.

Meira

Bandaríkjaher vísað frá Úsbekistan

Yfirvöld í Úsbekistan hafa sent bandarískum yfirvöldum skilaboð þar sem þeim er veittur sex mánaða frestur til að flytja starfsemi Bandaríkjahers frá Karshi-Khanabad herstöðinni í landinu en herstöðin gegnir mikilvægu hlutverki í starfsemi Bandaríkjahers í Afganistan. Talsmaður bandaríska varnarmálaráðuneytisins segir yfirvöld vera að kanna málið og grafast fyrir um það hvað „skilaboðin tákni nákvæmlega.” Þetta kemur fram á fréttavef BBC.

Meira

Palestínsk yfirvöld staðráðin í að halda uppi lögum og reglu á Gasa

Yfirvöld á palestínsku sjálfstjórnarsvæðunum segjast geta komið í veg fyrir að herskáir Palestínumenn grípi til aðgerða á meðan á brottflutningi Ísraela frá Gasasvæðinu og fjórum landnemabyggðum á norðanverðum Vesturbakkanum sendur þrátt fyrir að öryggissveitir þeirra séu illa þjálfaðar og illa vopnum búnar.

Meira

Flugvél SAS rýmd vegna grunsamlegs farsíma

Flugvél SAS flugfélagsins á leið til Parísar frá stokkhólmi var rýnd skömmu fyrir flugtak í morgun eftir að farþegi, sem krafðist þess skyndilega að fá að yfirgefa flugvélina, skildi farsíma eftir í sæti sínu. Lögreglumenn rannsökuðu síðan farsímann en komust að þeirri niðurstöðu að hann væri ekki hættulegur.

Meira

Óttast straum hryðjuverkamanna frá Írak til Evrópu

Franco Frattini, sem fer með dómsmál innan Evrópusambandsins, varar við því í blaðaviðtali sem birt er í franska blaðinu Le Monde í dag að hætta sé á því að fjöldi hryðjuverkamanna sem nú haldi til í Írak snúi til baka til heimalanda sinna í Evrópu eftir að jafnvægi kemst á í Írak. Þá sagði hann Írak þjóna sem þjálfunarbúðir fyrir hryðjuverkamenn, sem margir hverjir eigi sér athvarf í Evrópu.

Meira

Vann 8,8 milljarða króna í lottói

Írsk kona vann í gærkvöldi stærsta lottópott sem í boði hefur verið í Evrópu, 112 milljónir evra eða jafnvirði 8,8 milljarða króna. Konan, sem heitir Dolores McNamara og er frá Garryowen í Limericksýslu, keypti lottómiðann í krá á föstudagskvöld og hreppti fyrsta vinning sem hafði ekki gengið út í níu síðustu skipti.

Meira

Íbúar í Leicester varaðir við óþægindum vegna aðgerða lögreglu

Tveir menn voru handteknir með vísan í lög gegn hryðjuverkum í Leicester í Bretlandi snemma í morgun. Lögregla segir málið þó ekki tengjast hryðjuverkaárásunum í Lundúnum fyrr í þessum mánuði með beinum hætti. Húsleit stendur enn yfir þar sem mennirnir voru handteknir og hafa nágrannar þeirra verið varaðir við óþægindum vegna aðgerða lögreglu á svæðinu. Þeir hafa þó einnig verið fullvissaðir um að þeim stafi engin hætta af aðgerðunum. Þetta kemur fram á fréttavef BBC.

Óþekktur maður réðst á Saddam við yfirheyrslur

Óþekktur maður réðst á Saddam Hussein, fyrrum Íraksforseta, er hann kom fyrir dómara sérstaks dómstóls sem fjallar um mál hans í Bagdad, höfuðborg Íraks í gær, samkvæmt upplýsingum lögmanna hans en lögmennirnir hafa ítrekað lýst áhyggjum af því að hvorki Saddam né verjendur hans séu óhultir í Írak. Talsmaður Bandaríkjahers neitaði því hins vegar í dag slíkt atvik hefði átt sér stað,

Meira

Breskur almenningur hvattur til að vera áfram á verði

Lögregla í Bretlandi segir enn mikla hættu á hryðjuverkum í landinu þrátt fyrir að fjórir grunaðir tilræðismenn í misheppnuðum sprengjutilræðum í Lundúnum þann 21. júlí hafi verið handteknir. Lögregla hefur því hvatt almenning til að vera áfram vel á verði og láta lögreglu vita af öllu grunsamlegu. Enn er verið að yfirheyra þrjá grunaða tilræðismenn menn sem handteknir hafa verið í Bretlandi og til stendur að farið verði fram á að fjórði maðurinn, sem var handtekinn á Ítalíu, verði framseldur.

Meira

Grunaður tilræðismaður sagður sýna lögreglu samstarfsvilja

Innanríkisráðherra Ítalíu segir Osman Hussain, sem handtekinn var í landinu í gær grunaður er aðild að hryðjuverkunum í Lundúnum þann 21. júlí, sýna lögreglu samstarfsvilja og að hann hafi svarað spurningum við yfirheyrslur í morgun. Þá sagði hann manninn hafa yfirgefið Lundúnir með EuroStar lestinni sem fór frá Waterloo lestarstöðinni þann 26. júlí.

Meira

Tveir Bretar létu lífið í sprengjutilræði í Basra

Tveir breskir öryggisverðir létu lífið og tvö írösk börn særðust í sprengjutilræði við bílalest breskra sendiráðsmanna í borginni Basra í suðurhluta Íraks í morgun. Slíkar árásir eru fremur sjaldgæfar í nágrenni Basra. Þetta kemur fram á fréttavef BBC.

Norðmenn fylgjandi hömlum á rit- og tjáningarfrelsi

Meirihluti Norðmanna segist munu samþykkja hömlur á tjáningar- og ritfrelsi í landinu svo öfgahópar á borð við ný-nasista hætti áróðri sínum. Þá lýsa þeir yfir stuðningi við banni á fjöldasamkomum kynþáttahatara, sem og kristinna og múslímskra öfgahópa. Þetta kemur fram í skýrslur Gallup í Noregi, sem gerð var síðastliðið haust en var gerð opinber fyrir skömmu.

Meira

Klerkur mótmælti hryðjuverkunum við Sharm el-Sheikh

Sheikh Mohammed Sayed Tantawi, æðsti klerkur súnní-múslíma í Egyptalandi, leiddi göngu nokkuð hundruð manna við ferðamannastaðinn Sharm el-Sheikh í Egyptalandi í dag þar sem hryðjuverkunum um síðustu helgi var mótmælt. „Íslamstrú boðar umburðarlyndi og miskunnsemi… trúin líður enga glæpi hvaða nafni sem þeir nefnast. Ódæðismennirnir sem frömdu hryðjuverkin eru glæpamenn og spilltar sálir,“ sagði Sheikh Tantawi í prédikun að göngu lokinni.

Meira

Bandarísk þyrla hrapaði í Afganistan

Bandarísk Apache árásarherþyrla hrapaði til jarðar á æfingasvæði hersins skammt utan við Bagram Airfield, bandaríska herstöð í norðanverðri Kabúl í Afganistan, í dag. Tveir úr áhöfn slösuðust.

Meira

Flug einkavéla bannað yfir Berlín

Allt flug einkaflugvéla verður bannað yfir Berlín í Þýskalandi frá og með næsta mánudegi. Í síðustu viku skall lítil einkaflugvél niður á grasblett á milli skrifstofu kanslarans og þinghússins. Lögreglan í Þýskalandi telur að flugmaðurinn hafi verið í sjálfsmorðshugleiðingum og flogið vélinni niður á jörðina af ráðnum hug.

Meira

Tvær sprengjur sprungu á Spáni

Lögregla á Spáni segir að tvær litlar sprengjur hafa sprungið á þjóðvegum í norðurhluta landsins í dag eftir að viðvaranir bárust frá ETA aðskilnaðarsamtökum Baska. Ekki er talið að neinn hafi sakað í sprengingunum.

Meira

Fjórði tilræðismaðurinn handtekinn í Róm

Giuseppe Pisanu, innanríkisráðherra Ítalíu, segir að Osman Hussain, sem talinn er hafa verið einn tilræðismannanna í misheppnuðu sprengjutilræðunum í Lundúnum í síðustu viku, hafi verið handtekinn í Róm í dag. Lögregla í Bretlandi handtók fyrr í dag tvo menn, sem taldir eru hafa tekið þátt í tilræðunum en fjórði maðurinn var handtekinn í Bretlandi fyrir nokkrum dögum.

Meira

Minnkandi atvinnuleysi í Danmörku

Tæplega 16.000 manns voru án atvinnu í Danmörku í síðasta mánuði. Atvinnuleysi fór niður um eitt prósentustig á milli maí og júní og mælist það nú 5,8%. Atvinnuleysi hefur ekki verið jafn lítið í landinu síðan í febrúar árið 2003.

Meira

Besti dagur bresku lögreglunnar frá 21. júlí

Breska lögreglan Scotland Yard segir handtökurnar í Lundúnum í dag vera mikilvægan áfanga í rannsókn hryðjuverkaárásanna í borginni þann 21. júlí og að þær geri daginn í dag að besta degi lögreglunnar frá 21. júlí. Þetta kemur fram á fréttavef BBC.

Meira

11 herstöðvum lokað í Þýskalandi

Varnarmálaráðuneyti Bandaríkjanna tilkynnti í dag að 11 herstöðvum í Þýskalandi verði lokað í október árið 2007. Er þetta í samræmi við áætlanir ráðuneytisins um að skera niður herafla Bandaríkjamanna í landinu.

Meira

Útlendingum bannað að nema við trúarskóla í Pakistan

Pervez Musharraf, forseti Pakistans, hefur fyrirskipað öllum útlendingum sem leggja stund á Kóraninn í trúarskólum í landinu að hafa sig á brott. Um 1.400 útlendingar eru við nám í skólunum víða um landið.

Meira

Tveimur starfsmönnum alþjóðlegra samtaka rænt á Gasasvæðinu

Tveimur starfsmönnum alþjóðlegra samtaka var rænt á Gasasvæðinu í dag en þeir síðan látnir lausir nokkrum klukkutímum síðar. Hópur sem tengist fjölskyldu palestínska leyniþjónustumannsins Jihad Abed, sem rænt var á Gasasvæðinu í gær, rændi fólkinu og hótaði að láta það ekki laust fyrr en Abed væri kominn fram. Þetta kemur fram á fréttavef Ha'aretz.

Meira

Nýjum vopnum beitt í stríðinu um Hans Ø

Áróðursstríðið, sem háð er milli Dana og Kanadamanna um Hans Ø, óbyggða smáeyju mitt á milli Grænlands og Kanada, hefur til þessa farið fram innan stjórnkerfa landanna en virðist nú hafa færst út og nýjum vopnum, þar á meðal nýjustu auglýsingatækni á netinu, er nú beitt.

Meira

Fuglaflensuveira greind í fuglum í Rússlandi

Lögregla segir þrjá menn tengda sprengjuárásunum hafa verið handtekna

Breski herinn fækkar varðstöðum sínum á Norður-Írlandi

Tveir af sprengjumönnunum handteknir

Talsmaður páfa segir aðgerðir Ísraela ólöglegar

Að minnsta kosti 25 manns farast í sjálfsmorðsárás í Írak

Lögregluaðgerðir standa yfir í Lundúnum

Ian Blair segir rafstuðsbyssur geta komið af stað sprengingum

Hryðjuverkamenn stóðu fyrir sprengingu í lest á Indlandi í gær

Sjö borgir sækja um Vetrarólympíuleikana árið 2014

10 farast í bílslysi í Úkraínu

Tveir bandarískir hermenn falla í Írak

Breti handtekinn í Zambíu vegna árásanna í Lundúnum 7. júlí

Að minnsta kosti 883 látnir af völdum rigninga á Indlandi

Nítján slösuðust þegar hvirfilbylur fór um Birmingham

Telur milljónir dollara hafa gufað upp

Morðingjar prófessors teknir í Kólumbíu

Hvatti Karadzic til að gefa sig fram

Lík Menezes komið heim

Smáfuglar eyðileggja uppskeru í Nígeríu

Fjallgöngumenn fundust látnir á Mont Blanc

Hert lög gegn ofbeldisfullum áróðri í Hollandi

Fyrsti skógarbjörninn í Sviss í eina öld

Tímosjenko vísar athugasemdum bandarískra yfirvalda á bug

Tilræðismaður IRA segir þá stefnu lögreglu að skjóta hryðjuverkamenn til bana hvetja þá áfram

Jarðskjálfti í Japan

Bush fagnar yfirlýsingu IRA en bíður viðbragða Breta og Íra

Banaslysum fækkað um þriðjung eftir að áfengislög voru hert

Að minnsta kosti 768 hafa látist af völdum rigninga á Indlandi

Sprenging í lest á Indlandi

Blair segir yfirlýsingu IRA marka þáttaskil

Kona talin hafa myrt tvo syni sína í Austurríki

Geimferjan tengd við geimstöðina

IRA skipar liðsmönnum að hætta vopnaðri baráttu

Bandaríkjaher sagður beita óþarflega miklu herafli

Yfirmaður Lundúnalögreglunnar varar við því að tilræðismennirnir geti gert aðra tilraun

Prestur og nunnur sem krossfestu nunnu í Rúmeníu látin laus

Kínverjar segja mörg vandamál í sex ríkja viðræðum um kjarnorkuafvopnun

Mubarak tilkynnir um framboð í forsetakosningum

Sprengdu olíutank við Bagdad

Mubarak boðar til ráðstefnu um stöðuna í arabaríkjum

Sex ríki skrifa undir samkomulag varðandi losun gróðurhúsalofttegunda

10 látnir og margra saknað eftir eldsvoða á olíuborpalli við Indland

Tveir bandarískir hermenn falla í Írak

Níu menn handteknir vegna árásanna í Lundúnum 21. júlí

Yfir 200 manns hafa farist af völdum rigninga á Indlandi

Borgarstjóri New York ætlar að opna kælingastöðvar

Einn handtekinn vegna tilraunar til hryðjuverka í Lundúnum

Forseti Níger þakkaði fyrir alþjóðlega neyðaraðstoð

Fjögurra fjallgöngumanna saknað við Mont Blanc

Sprengja frá seinni heimsstyrjöldinni fannst í finnskum smábæ

Óvopnaður Palestínumaður féll í aðgerðum Ísraelshers

Einn hinna handteknu látinn laus í Lundúnum

13 hópar róttækra múslima í Austurríki

Tvö hundruð látnir i vatnsveðrunum á Indlandi

Hulunni svipt af Ólympíuhappdrættinu

22 ára fangelsi fyrir að skipuleggja sprengjuárás á flugvöll í Los Angeles

Bresk lággjaldaflugfélög koma strandaglópum til hjálpar

Dómar kveðnir upp í umfangsmesta barnaníðingsmáli Frakklands

Áhrif öfgamanna á Sínaískaga hafa stóraukist

Mikill eldur í indverskum olíuborpalli

Hinn handtekni sagður vera Yasin Hassan Omar

Lögreglumanni sem skaut Brasilíumann til bana boðið í frí

Segjast hafa myrt tvo alsírska sendimenn

Dregið úr möguleikum Palestínumanna á að krefja Ísraelsríki um bætur

Dómsuppkvaðning í barnaníðingsmáli í Frakklandi tefst

Lögregla í Rússlandi leggur hald á 240 kílógrömm af heróíni

Nauðungarflutningum fólks frá Harare haldið áfram

Maður handtekinn á Luton-flugvelli

Fulltrúar Sinn Fein til fundar við áhrifamenn í Bandaríkjunum

Kínversk stjórnvöld hvetja þegna sína til að ganga upp stiga til að spara orku

Lík Brasilíumannsins flutt heim frá Lundúnum

Forsætisráðherra Íraks vill herinn burt hið fyrsta

Telur brottflutning hermanna frá Írak geta hafist í vor eða næsta sumar