Forsíða

Mikið vatnsveður í Danmörku

Mikið vatnsveður var á stærstum hluta Sjálands í Danmörku í dag en að sögn lögreglu og björgunarþjónustu landsins hlaust ekki alvarlegt tjón af. Dæla þurfti vatni úr á annað hundrað kjöllurum húsa í Kaupmannahöfn og víðar á Sjálandi og einnig á Lálandi og Falstri. Þá flæddi sumstaðar yfir vegi.

Meira

Mannræningjar sleppa palestínskum leyniþjónustumanni

Herskáir Palestínumenn hafa sleppt palestínska leyniþjónustumanninum Jihad Abed úr haldi en honum var rænt í Gasaborg á fimmtudag og í kjölfar þess rændu ættingjar hans tveimur starfsmönnum alþjóðastofnana til að leggja áherslu á kröfu sína um að honum yrði sleppt. Mannræningjarnir, sem áður höfðu sakað Abed um spillingu, sögðust hafa sleppt Abed þar sem yfirheyrslum yfir honum hefði verið lokið.

Einn með allar lottótölur réttar

Einn var með allar lottótölurnar réttar í kvöld og fékk 6,6 milljónir króna að launum. Einn var með fjórar tölur réttar auk bónustölu og fær 340 þúsund krónur. Lottótölurnar voru 6, 10, 22, 34 og 38 og bónustalan var 1. Jókertölurnar voru 0 - 4 - 7 - 7 - 6.

Æskuást Aniston hættir við uppboð á eBay

Æskuást leikkonunnar Jennifer Aniston hefur hætt við að selja minjagripi sína um samband þeirra á uppboði á Netinu eftir að aðstoðarmaður hennar kom því á framfæri við hann að uppboðið væri henni á móti skapi. Þetta kemur fram á fréttavef BBC.

Meira

Alonso ánægður ef Schumacher vinnur

Fernando Alonso hjá Renault, sem hefur forystu í stigakeppninni um heimsmeistaratitil ökuþóra, segist myndu glaður una því ef Michael Schumacher hjá Ferrari vinnur ungverska kappaksturinn á morgun. „Ég verð mjög ánægður ef Michael vinnur,“ segir hann.

Meira