• Vorum að borða kvöldmatinn og Rósa hélt á Halldóru Mjöll. Rósa segir við Tryggva að hann sé rosalega duglegur að borða en Halldóra Mjöll geti ekki borðað neitt því að hún hafi ekki neinar tennur. Segir þá okkar maður: "Babbi kaupa tennur lillu Haddou Möll"

• Við sama kvöldverð: Tryggvi Snær talar mjög mikið og þykir okkur stundum nóg um. Hann þagnar aldrei og vorum við búinn að biðja hann um að tala aðeins minna á meðan hann borðaði (kölluðum hann "Masa"). Tryggvi þegir óvenju lengi (ca.10 sekundur) en segir þá: "Giggi talar mikið".

• Tryggvi Snær var að horfa á barnatímann í sjónvarpinu. Við (Hóddi og Rósa) vorum að taka til kvöldmatinn en maturinn ekki kominn á borðið þegar þegar Rósa segir Tryggva að koma að borða. Okkar maður lætur ekki segja sér það tvisvar og hleypur inní eldhús og sér að það er enginn matur kominn á borðið og segir: "Enginn matur til !"

• Stína og Einar sendu Tryggva Snæ og Halldóru Mjöll pakka frá Danmörku sem voru svaka fín föt. Pósturinn kom með pakkann um það leiti sem Tryggvi var að fara að sofa þannig að það lá beinast við að hann mátaði fötin strax (enda fatasjúkur drengurinn). Það gekk svo ekki þrautalaust að fá hann úr fötunum aftur og það endaði með því að hann fór uppí rúmið sitt og fór að sofa, í fötunum! Húfa, þykk peysa og þykkir vettlingar.

• Búið er að vera kalt í veðri undanfarna daga og okkar maður talar oft um að það sé ískalt og puttarnir séu ískaldir á sér eða Halldóru Mjöll. Eitt kvöldið þegar að pabbi hans var að tannbursta hann fyrir svefninn ætlaði Tryggvi að þvo sér um hendurnar líka og skrúfar frá vatskrananum og er vatnið þá frekar heitt fyrir hann: Þá segir hann: "Óóóó vattið ísheitt" !

Nóvember 2005

• Vorum að tala um hárlit á fólki og segja að þessi og hinn væri með ljóst eða dökkt hár. Eftir smá tíma segir Tryggvi Snær: " Haddóa Möll er með dimmt hár".

Jólaundirbúningur

• Höfðum verið að taka niður jóladótið ofan af lofti og sortera og henda því sem verður ekki notað meir. Tryggvi Snær var að sjálfsögðu aðalmaðurinn í að skoða skrautið og þar var jóla þetta og jóla hitt. Svo kom að jóla trénu, þá hrópaði okkar maður " váááá, Jólaskrautablóm"

• Vorum inn á Glerártorgi og voru þar jólasveinar að skemmta smáfólkinu. Einn jólasveinninn gaf Tryggva Snæ blöðru og nammi. Svo var Tryggvi að segja frá þessu sagði hann að "jólaskrautið gaf Gigga blöruru og nammi"

• Í sama skipti þegar jólasveinninn var búinn að gefa honum herlegheitinn og var farinn í burtu snýr Tryggvi Snær sér að pabba sínum og segir: "Hann er ljótur þessi !"